جامعہ سندھ کی جانب سے اے ڈی ای/بی ایڈ، بی سی ایس اور بی ایس کیمسٹری و زولاجی کے پہلے سیمسٹر کے امتحانات 19 ستمبر سے منعقد کرنے کا اعلان
جامعہ سندھ جامشورو کی جانب سے ملحقہ سرکاری کالجز میں اے ڈی ای/ بی ایڈ (آنرز)، بی سی ایس اور بی ایس کیمسٹری و زولاجی کے پہلے سیمسٹر کے امتحانات 19 ستمبر 2023ء سے منعقد کرنے کا اعلان کیا گیا ہے۔اس سلسلے میں ناظم سیمسٹر امتحانات محمد معشوق صدیقی نے ایک اعلامیہ جاری کرتے ہوئے مطلع کیا ہے کہ اے ڈی ای/ بی ایڈ (آنرز)، بی سی ایس اور بی ایس کیمسٹری و زولاجی (بیچ 2022ء و 2023ء) کے پہلے سیمسٹر کے امتحانات 19 ستمبر 2023ء سے لیئے جائیں گے۔امتحانات کا تفصیلی شیڈیول ملحقہ کالجز کو جلد ارسال کیا جائے گا۔
