جامعہ سندھ جامشورو کے زیر انتظام سید پناہ علی شاہ ماڈل اسکول جامشورو اور ڈاکٹر این اے بلوچ ماڈل اسکول حیدرآباد محکمہ تعلیم سندھ کے اعلان کے تحت موسم سرما کی تعطیلات پر 22 دسمبر سے 31 دسمبر تک بند رہیں گے۔ رجسٹرار پروفیسر ڈاکٹر مشتاق علی جاریکو نے اس حوالے سے نوٹیفکیشن بھی جاری کردیا ہے۔ نوٹیفکیشن کے مطابق موسم سرما کی تعطیلات کی وجہ سے سید پناہ علی شاہ ماڈل اسکول جامشورو اور ڈاکٹر این اے بلوچ ماڈل اسکول حیدرآباد 22 سے 31 دسمبر 2023ءتک بند رہیں گے، تاہم دونوں اسکول یکم جنوری 2024ءکو دوبارہ کھل جائیں گے۔ نوٹیفکیشن کے مطابق تعطیلات کے دوران ضروری عملہ بدستور اپنی ڈیوٹیوں پر موجود رہے گا۔