جامعہ سندھ جامشورو  سے ملحقہ سرکاری و نجی کالجز میں مختلف ڈگری پروگرامز کے ریگیولر و فیلوور امیدواروں کے سیکنڈ سیمسٹر کے امتحانی فارم و فیس جمع کرانے کی آخری تاریخ میں 20  فروری تک توسیع کا اعلان کیا گیا ہے۔ اس سلسلے میں ناظم سیمسٹر امتحانات محمد معشوق صدیقی نے اپنے جاری کردہ ایک اعلامیہ میں مطلع کیا ہے کہ جامعہ سے ملحقہ سرکاری و نجی کالجز و انسٹیٹیوٹس میں 4 سالہ بی بی اے (آنرز) پروگرام، بی ایس آئی ٹی، بی ایس سافٹ ویئر انجنیئرنگ اور بی سی آئی ٹی (صرف فیلوور امیدوار) کے سیکنڈ سیمسٹر 2022ء و 2023ء کیلئے بغیر لیٹ فی کے امتحانی فارم جمع کرانے کی آخری تاریخ 20  فروری 2024ء مقرر کی گئی ہے، تاہم 21  سے 23 فروری 2024ء تک لیٹ فی کے ساتھ امتحانی فارم جمع کرائے جا سکتے ہیں۔